Redes
É incríbel o lonxe, ou adentro, que pode chegar a frivolidade da publicidade. Manteño a respiración pra ler un comunicado dun anuncio na estúpida tele:
-”Tes dereito a Internet”.
Unha de dúas. Ou saben o que din, ou non.
Se nono saben, corrixo:
A mensaxe está mal construída. Propoño:
-”Tódalas persoas teñen dereito ó acceso livre e non mercantilista ós medios de comunicación modernos por pura herdanza tecnolóxica”.
Somos as xeraciós dos homes e mulleres que idearon e innovan tecnoloxías. O coñecemento non é un novo producto de mercado. É a evolución lóxica das comunidades liverpensantes cára un novo estado de cousas.
O ser humano foi quen de desenvolve-la tecnoloxía necesaria pra construcción das novas rúas da comunicación. O Software madura xa de largo en tempo GNU/Linux. Coma sempre a ignorancia frea o normal avance das nosas comunidades en materias como a comunicación, a enerxía ou a alimentación.
Porque isto é no caso de que non sepan o que din.
A outra posibilidade é que sí o sepan, e se mofen e bofen do dereito natural á livre comunicación. Dereito non susceptibel de compra. Dereito non concedido senon posuído por naceren de muller.
Se este é o caso, volve frear a ignorancia a normal evolución.
Xa cansa tanta mona. Uns por activa, e outros por pasivos.
Nunha destas gestas co meu tántriko socio, nos vemos montando un servidor bem guapo. Con debian e excelencias armadas ate os dentes. Incluído un sistema de identificación por MAC pra controlar ó acceso á rede, producto do ocio do meu socio.